Am Chreismusigtag z Gommiswald, hät d Uzner Musig üs tüüf troffä,
bim marschiere sinds idä Hälfti, i alli Richtige verloffä,
sit da giltets als verschwundä, mer häts nöm gfundä, s isch zum flueche,
sie seget schiins vom Heiweh triebe, e Umfahrigsstrass go sueche.
Z Riede det gits Mitfahrbänkli, das isch en riise Hit,
da wartisch bis öper z fahrä chunt, und mit chli Glück nimmt mer di mit,
d Erfolgsquotä isch leider tüüf, und das hät au en Grund,
will wägem Flüsterbelag nöd ghörsch, wänn überhaupt es Auto chunt.
Im Asylzentrum Haldrain, isch mit investiere nöd verbii,
pro vier Zimmer baut mer jetztä nämlich, Choch-Niischene drii,
mir freuet üs uf d Vielfalt, vo denä kulturelle Chreis,
jetzt gits uf jeder Etage, e bsundri Kulinarik-Reis.
Im erste Stock gits Schlangemedaillon, mit fermentiertem Gmües,
eis höcher gits Insekteeintopf, mit gräuchte Hüenerfüess,
z oberst chochets Krokodil, und s ganzä nimmt keis Änd,
wills d Chochsändig im Fernseh, mit Dschungel-Camp verwächslet händ.
So richtig langi Bürgerversammlige, das sind no Ziite gsii,
aber sit dä Gübeli nöm uftaucht, sind nachere Halbstund scho verbii,
mer isch sich immer einig, es isch s reinste iivernäh,
jetzt mues dä Hüppi Peter z St.Galle bald scho, Churzarbet igäh.
Karin Keller-Sutter, hät gmeint seg alls im Butter,
doch dä Donald hät sie uf d Chnüü ue gholt, und hät ihre – dä A**** verzollt.
Plötzlich hät mer sich dänn gfundä, Zöll sind abä, und all sind froh,
will usem A**** vodä Keller-Sutter, isch no ä Rolex usächo.
Wänn idä Alp Egg gasch go iicheerä, ja dänn wartisch……. und wartisch….
da wartisch…… und wartisch…. ja du wartisch…… und wartisch……
Dänn luegsch ämal wie spat isch, und wie lang das jetzt scho wartisch…..
Und vom warte ufs Gsöff und s Ässe, händ mir jetzt Pointe vergässe.
Die neui Parkplatzreglig idä Gmeind, erkläred mir eu gschwind,
s wichtigst isch, dass die erste zwei Stund gratis sind,
guet dass das idä Egg nöd gilt, sust wärsch grad idä Fallä,
bis det zum bstelle chunsch, müestisch scho s drittmal nachezahlä.
Idä Primi-Bar göchs zue und her, so munklets hii und daa,
det chönsch gäge ä chli Bargeld, no paar intimi Stunde haa,
da mues doch au grad sofort, di neui Parkplatz-Regle drii,
das au bi dem Verkehr di erste zwei Stund, gratis müestet sii.
Am ESAF z Mollis im Zigerschlitz, hät mer viel positivs vernoo,
doch Leider isch es au, zu vielne Fehlentscheidige cho,
für d Kampfrichter wird’s schwierig, wills eifach nüm glaubwürdig sind,
sogar dä Muni Max, schüttlet nur no mitem Grind.
Am Studemaa händs s Zäni klaut, dä Schlegel hät tobt vor Wuet,
dä Giger wär ufem Ruggä gsi, das füert zu bösem Bluet,
dä einzig richtig Entscheid wos troffä händ, hät gar nütz ztue mit Schwingä,
dass bidä glarner Promis nöd au no, s Vreni Schneider isch cho singä.
Jassä isch sexistisch, das behauptet gwüssi Lüt,
dä meischte isch das gliich, mer tuet als wüssi mer vo nüt,
debii ischs offesichtlich, und es isch au nüt für d Chind,
wills bim jassä ganz viel Usdrück git, wo nöd jugendfrei sind.
D Schälle hebe, d Eichle schiebe, und ab und zue chli schmiere,
nöd cho oder Bock ha, au Partnerwächsel chasch probiere,
jassä isch wie Gschlächtsverkehr, das weiss doch s ganzä Land,
wänn kein guete Partner häsch, dänn bruchsch e starchi Hand.
Z Uznä gits es Storch-Problem, wo söll das no hiifüere,
die Sieche sind no gschützt, dörfschs nöd mal uf dä Grill ue rüere,
und trotzdem sind mir niidisch, s tuet üs innerlich verrissä,
will die ohni e schlächts Gwüssä, dä Uzner chönd uf d Chappä schiissä.
E neui Doppelhallä, die müend mir dringend haa,
doch leider hät mer sich, mit dä Chöste chli vertaa – AHA, AHA, OH JEH!
E suuberi Berechnig, die ghört au da dezue,
doch dä Ingenieur hät sich um 3 tuusig Kubik vertue – AHA, AHA, OH JEH!
So 9 bis 12 Millione, das hät mer mal verzellt,
mir zeiget eu jetzt uuf, wie sichs würklich zämestellt:
- Mit 10 ½ Millione, da fangt mer emal ah,
im Wüsse dass die Summe nochli wiiter ue cha gah
- Uf 11 ½ Millione, da isch mer mal no gschwind,
schliesslich bruchts Kabine und e Duschi für die Chind
- S Choscht 12 ½ Millione, jaja das chan scho sii,
irgendwo mues au no e Cafeteria drii
- S Choscht 13 ½ Millione, das wird ja immer schlimmer,
schliesslich bruchts ja au no zwei komplett neui Schuelzimmer
- S Choscht 14 ½ Millione, die Zahl springt eim is Gsicht,
mer baut grad au no Rüüm für dä Einzelunterricht
- S Choscht 15 ½ Millione, mir verzellet eu kein Seich,
bi dere Summe wird sogar dä Peter Hüppi bleich,
ja 15 ½ Millione, das isch würkli ächli tüür,
aber d Gmeind die holt das zrugg,**** mit dä Grüenabfuhr-Gebühr****.
bim marschiere sinds idä Hälfti, i alli Richtige verloffä,
sit da giltets als verschwundä, mer häts nöm gfundä, s isch zum flueche,
sie seget schiins vom Heiweh triebe, e Umfahrigsstrass go sueche.
Z Riede det gits Mitfahrbänkli, das isch en riise Hit,
da wartisch bis öper z fahrä chunt, und mit chli Glück nimmt mer di mit,
d Erfolgsquotä isch leider tüüf, und das hät au en Grund,
will wägem Flüsterbelag nöd ghörsch, wänn überhaupt es Auto chunt.
Im Asylzentrum Haldrain, isch mit investiere nöd verbii,
pro vier Zimmer baut mer jetztä nämlich, Choch-Niischene drii,
mir freuet üs uf d Vielfalt, vo denä kulturelle Chreis,
jetzt gits uf jeder Etage, e bsundri Kulinarik-Reis.
Im erste Stock gits Schlangemedaillon, mit fermentiertem Gmües,
eis höcher gits Insekteeintopf, mit gräuchte Hüenerfüess,
z oberst chochets Krokodil, und s ganzä nimmt keis Änd,
wills d Chochsändig im Fernseh, mit Dschungel-Camp verwächslet händ.
So richtig langi Bürgerversammlige, das sind no Ziite gsii,
aber sit dä Gübeli nöm uftaucht, sind nachere Halbstund scho verbii,
mer isch sich immer einig, es isch s reinste iivernäh,
jetzt mues dä Hüppi Peter z St.Galle bald scho, Churzarbet igäh.
Karin Keller-Sutter, hät gmeint seg alls im Butter,
doch dä Donald hät sie uf d Chnüü ue gholt, und hät ihre – dä A**** verzollt.
Plötzlich hät mer sich dänn gfundä, Zöll sind abä, und all sind froh,
will usem A**** vodä Keller-Sutter, isch no ä Rolex usächo.
Wänn idä Alp Egg gasch go iicheerä, ja dänn wartisch……. und wartisch….
da wartisch…… und wartisch…. ja du wartisch…… und wartisch……
Dänn luegsch ämal wie spat isch, und wie lang das jetzt scho wartisch…..
Und vom warte ufs Gsöff und s Ässe, händ mir jetzt Pointe vergässe.
Die neui Parkplatzreglig idä Gmeind, erkläred mir eu gschwind,
s wichtigst isch, dass die erste zwei Stund gratis sind,
guet dass das idä Egg nöd gilt, sust wärsch grad idä Fallä,
bis det zum bstelle chunsch, müestisch scho s drittmal nachezahlä.
Idä Primi-Bar göchs zue und her, so munklets hii und daa,
det chönsch gäge ä chli Bargeld, no paar intimi Stunde haa,
da mues doch au grad sofort, di neui Parkplatz-Regle drii,
das au bi dem Verkehr di erste zwei Stund, gratis müestet sii.
Am ESAF z Mollis im Zigerschlitz, hät mer viel positivs vernoo,
doch Leider isch es au, zu vielne Fehlentscheidige cho,
für d Kampfrichter wird’s schwierig, wills eifach nüm glaubwürdig sind,
sogar dä Muni Max, schüttlet nur no mitem Grind.
Am Studemaa händs s Zäni klaut, dä Schlegel hät tobt vor Wuet,
dä Giger wär ufem Ruggä gsi, das füert zu bösem Bluet,
dä einzig richtig Entscheid wos troffä händ, hät gar nütz ztue mit Schwingä,
dass bidä glarner Promis nöd au no, s Vreni Schneider isch cho singä.
Jassä isch sexistisch, das behauptet gwüssi Lüt,
dä meischte isch das gliich, mer tuet als wüssi mer vo nüt,
debii ischs offesichtlich, und es isch au nüt für d Chind,
wills bim jassä ganz viel Usdrück git, wo nöd jugendfrei sind.
D Schälle hebe, d Eichle schiebe, und ab und zue chli schmiere,
nöd cho oder Bock ha, au Partnerwächsel chasch probiere,
jassä isch wie Gschlächtsverkehr, das weiss doch s ganzä Land,
wänn kein guete Partner häsch, dänn bruchsch e starchi Hand.
Z Uznä gits es Storch-Problem, wo söll das no hiifüere,
die Sieche sind no gschützt, dörfschs nöd mal uf dä Grill ue rüere,
und trotzdem sind mir niidisch, s tuet üs innerlich verrissä,
will die ohni e schlächts Gwüssä, dä Uzner chönd uf d Chappä schiissä.
E neui Doppelhallä, die müend mir dringend haa,
doch leider hät mer sich, mit dä Chöste chli vertaa – AHA, AHA, OH JEH!
E suuberi Berechnig, die ghört au da dezue,
doch dä Ingenieur hät sich um 3 tuusig Kubik vertue – AHA, AHA, OH JEH!
So 9 bis 12 Millione, das hät mer mal verzellt,
mir zeiget eu jetzt uuf, wie sichs würklich zämestellt:
- Mit 10 ½ Millione, da fangt mer emal ah,
im Wüsse dass die Summe nochli wiiter ue cha gah
- Uf 11 ½ Millione, da isch mer mal no gschwind,
schliesslich bruchts Kabine und e Duschi für die Chind
- S Choscht 12 ½ Millione, jaja das chan scho sii,
irgendwo mues au no e Cafeteria drii
- S Choscht 13 ½ Millione, das wird ja immer schlimmer,
schliesslich bruchts ja au no zwei komplett neui Schuelzimmer
- S Choscht 14 ½ Millione, die Zahl springt eim is Gsicht,
mer baut grad au no Rüüm für dä Einzelunterricht
- S Choscht 15 ½ Millione, mir verzellet eu kein Seich,
bi dere Summe wird sogar dä Peter Hüppi bleich,
ja 15 ½ Millione, das isch würkli ächli tüür,
aber d Gmeind die holt das zrugg,**** mit dä Grüenabfuhr-Gebühr****.